Koka e Herës

Koka e Herës është e një cilësie shumë të mirë punimi dhe datohet në shek. II pas K. Skulptura paraqet bukurinë femërore të një origjinali grek të gjysmës së parë të shek. IV para K. në versionin hyjnor dhe mbretëror. Mbretëresha e hyjnive është e paraqitur në këtë skulpturë në formën e saj klasike, me flokët e ndarë në dy pjesë dhe me një kurorë në krye.

Tiranë, Muzeu Arkeologjik Kombëtar.

Lorikato

Statuja greke prej mermeri është zbuluar në vitet '60 të shek. XX në zonën veriore të qytetit. Nga stili mund të datohet në gjysmën e dytë të shek. I pas K. Skulptura është gjetur së bashku me fragmente të tjera prej mermeri të grumbulluara për t'u ripërdorur. Cilësia e lartë dhe përmasat e konsiderueshme të bëjnë të mendosh se statuja duhet të ketë qenë vendosur në ndonjë ndërtesë publike ose rezidencë e ndonjë pjesëtari të familjes perandorake të Jul-Klaudëve. Në krahasim me statujat e tjera që paraqesin Neronin nëpër muze të ndryshëm të Evropës (Paris, Mynih, Bolonja dhe Olimpia) si dhe duke u nisur nga karakteristikat stilistike që paraqet skulptura, sugjeron se princi i panjohur i Durrësit mund të jetë pikërisht Neroni. (54-68 pas K.)

Tellus

Në vitin 2003 gjatë gërmimeve të shpëtimit të një ndërtese në zonën qendrore të qytetit, në afërsi me forumin, u zbulua një statujë e madhe e një perëndeshe e ulur në fron, të cilës i mungonte koka. Statuja u gjet në një dysheme me pllaka mermeri pjesë e një ndërtese të periudhës romake. Vështirësitë e gërmimit nuk bënë të mundur marrjen në konsideratë të këtij kompleksi që gjatë periudhës bizantine ka qenë pjesë e një ndërtese monumentale e zonës qendrore. Perëndesha mban në prehër dy fëmijë (Karpoi, perëndi të vogla të stinës) dhe fruta (rrush, etj). Ikonografia e Tellus-it, si hyjni romake, i korespondon perëndeshës greke Xhea e cila paraqet pjellorinë dhe bujarinë e tokës. Në periudhën perandorake romake, përveç trasmetimit të mesazhit politik perandorak, Tellus paraqet pjellorinë e natyrës në një kornizë harmonike në të cilën të gjitha perënditë së bashku favorizojnë zhvillimin e njeriut. Kjo "plotshmëri e kohëve", kjo kohë e artë, u arrit vetëm në saj të perandorisë romake dhe e qeverisë perandorake. Domethënia e këtij kompleksiteti politik duket e lidhur shumë qartë me efektshmërinë perandorake: mermeri i një cilësia shumë të mirë dhe cilësi shumë e lartë e punimit të skulpturës të çojnë në përfundimin se kjo vepër arti është realizuar në gjysmën e parë të shek. II pas K gjatë kohës së sundimit të Trajanit të I. Gjatë periudhës bizantine, në fund të shek V pas K, statuja mund të jetë transferuar në një ndërtesë tjetër, mbase në një ndërtesë publike të karakterit monumental, me shumë mundësi rezidencë perandorake ose rezidencë e një përfaqësuesi parandorak. Kujtojmë se në 11 prill të vitit 491 u lind në Dyrrachion perandori Anastasi I. Struktura e zbuluar gjatë një gërmimi shpëtimi u shkatërrua nga ndërtimi i një pallati të ri.

Forumi rrethor - Macellum

Në lindje të termave gjendet një ndërtim madhështor, forumi rrethor, i gërmuar nga Prof. Afrim Hoti. Monumenti është datuar midis shek. IV-VI pas K. Nga  mbefjet e gjetura ndërtesa ofron një kolonadë rrethore me rreze 18 m dhe kufizohet nga një hapësirë qendrore e shtruar me pllaka mermeri (disa prej të cilave kanë mbishkrime dhe monograme) në mes të të cilave gjendet një bazament tetëkëndor me gjurmë shkallësh (mbase për një statujë?) dhe një pus. Menjëherë pas korridorit kolonadë gjendet një seri ambjentesh me shpërndarje radiale e funksione prodhuese (edhe e tipit artizanat metalurgjik). Në pjesën e zonës publike ndërtesa është e realizuar me mermer grek nga Prokoneso. Ky mermer i importuar në Dyrachion kërkon një përpjekje ekonomike të jashtëzakonshme që vetëm një perandor mund ta realizonte (Anastasi I ose Justiniani).

L’Amfiteatri